Erum farnir heim að sofa. Kveðja, prófarkalesarar Moggans

Greinilega algjört "panic" hjá Mogganum og ekkert verið að pæla í að reyna að skrifa fréttirnar á mannamáli....

Endurbættur texti:

Almannavarnir Ríkislögreglustjóra hafa (hefur) staðfest að eldgos sé hafið í Eyjafjallajökli en öskufalls hefur orðið vart í Fljótshlíð og sést bjarmi (sést) frá mörgum stöðum í byggð. Búið er að virkja samhæfingarstöð Almannavarna í Skógarhlíð.

Öskufall byrjað í byggð

Athugasemdir

[Baldvin Mar Smárason, 21.3.2010 kl. 01:10]

Internetið er þannig miðill að fréttirnar eru lifandi.

Það er hægt að leiðrétta, eftir að þær hafa verið birtar.

Frekar vill ég fá "breaking news" strax og þá með innsláttarvillum, frekar en 5 mínútum síðar með réttri stafsettningu.

[Sigurður Haraldsson, 21.3.2010 kl. 01:19]

Þetta getur verið dauðans alvara sem þarna er á ferð!

[XX (IP-tala skráð) 21.3.2010 kl. 01:20]

Eruð þið afkomendur Gísla Jónssonar menntaskólakennara á Akureyri? Orustan er löngu töpuð, jafnvel stríðið.

[Jón Flón (IP-tala skráð) 21.3.2010 kl. 01:21]

Er ekki sammála þér Baldvin. Menn verða að kunna móðurmálið ef þeir ætla sér að starfa í fjölmiðlum. Frekar vil ég fá breaking news 5 mínútum síðar þannig að hún sé skilmerkilega rituð, heldur en eitthvað krot sem væri varla 5 ára barni til sóma.

[arnhildur (IP-tala skráð) 21.3.2010 kl. 01:23]

Er ekki hægt að gera þá kröfu að blaðamenn séu hæfir til að skrifa svona örfrétt rétt án þess að það tefji þá. Textinn er varla læsilegur. Þetta eru einfaldlega slöpp vinnubrögð eða skortur á íslenskukunnáttu.

Nú er ég enginn fasisti í þessum efnum en skiptir ekki hæfni í íslensku máli í svona starfi? Er ekki til nóg af fólki sem hefur slíka hæfni?

 Hugsanlega eru þetta bara svo sannir blaðamenn að þeir eru mættir upp á jökul og villurnar eru vegna allra eiturgufanna sem þeir eru búnir að anda að sér.....

[Linda (IP-tala skráð) 21.3.2010 kl. 01:25]

Ég hló mikið þegar ég sá nafnið á þessari færslu. Þessir prófarkalesarar eru nú meira og minna alltaf heima sofandi ;-)

[Árni Viðar Björgvinsson, 21.3.2010 kl. 01:35]

Hahaha, já, ég var að hugsa það sama. Báðar fréttirnar sem eru núna um gosið eru gjörsamlega HAND ónýtar hvað varðar málfræði og stafsetningu. Maður gæti haldið að næturvaktin séu eintómir pólskir húsverðir sem eru að berjast við að læra málið.

[Þór Sigurðsson, 21.3.2010 kl. 01:38]

Það þýðir víst lítið að kveina undan slæmri íslenskukunnáttu blaðasnápa. Íslensk tunga hefur liðið fyrir að vera misnotuð af blaðasnápum allt frá því að fyrsta eintakið af Morgunblaðinu kom út 2. nóvember 1913.

[Sigurður Haraldsson, 21.3.2010 kl. 01:50]

Hugsið til skáldsins Halldórs Laxnes.

[sTaR (IP-tala skráð) 21.3.2010 kl. 02:11]

Íslendingar í hnotskurn....hér er frétt af eldgosi en menn sjá frekar villur í skrifum...og sumir halda því jafnvel fram að að 5 ára krakkar skrifi betur, það er málið hér og nú!!!

[Rósa Aðalsteinsdóttir, 21.3.2010 kl. 02:23]

verið er að rúma  - er verið að rýma

[Jón Steinar Ragnarsson, 21.3.2010 kl. 02:31]

Þetta er þó fjandanum betra en á vísi.is, þar sem þeir minnast eldgossins í HEIMAKLETTI árið 1975

[Sigríður Ingunn (IP-tala skráð) 21.3.2010 kl. 10:52]

Hún vafðist fyrir mér þessi frétt, nývaknaðri, áður en ég endur skrifaði hana í huganum