Færsluflokkur: Menntun og skóli

Erum farnir heim að sofa. Kveðja, prófarkalesarar Moggans

Greinilega algjört "panic" hjá Mogganum og ekkert verið að pæla í að reyna að skrifa fréttirnar á mannamáli....

Endurbættur texti:

Almannavarnir Ríkislögreglustjóra hafa (hefur) staðfest að eldgos sé hafið í Eyjafjallajökli en öskufalls hefur orðið vart í Fljótshlíð og sést bjarmi (sést) frá mörgum stöðum í byggð. Búið er að virkja samhæfingarstöð Almannavarna í Skógarhlíð.


mbl.is Öskufall byrjað í byggð
Tilkynna um óviðeigandi tengingu við frétt

Vitlaus bílgerð á mynd

Bara vekja athygli á því að myndin sem fylgir þessari frétt er ekki af eins bíl og fjallað er um í fréttinni.

Suzuki Sidekick (einnig þekktur hér á landi sem Vitara) er allt annar bíll en Suzuki Fox eins og sá sem myndin er af. Vitara/Sidekick var í framleiðslu frá 1989-2003 en Fox eins og á myndinni áratuginn á undan.

Vitara/Sidekick lítur svona út: http://en.wikipedia.org/wiki/File:Suzuki_Sidekick_JX_4-door.jpg


mbl.is Jepplingum stolið
Tilkynna um óviðeigandi tengingu við frétt

Hvað var þeim "sagt"?

Viðskipti | mbl.is | 1.9.2009 | 15:17

Uppsagnir hjá Nýherja

Ellefu starfsmönnum hjá fimm fyrirtækjum innan Nýherja-samstæðunnar var sagt í ágúst vegna breyttrar verkefnastöðu. Hafa uppsagnirnar þegar tekið gildi.

Þórður Sverrisson, forstjóri Nýherja, segir í samtali við mbl.is að um 470 manns starfi nú hjá Nýherja og dótturfyrirtækjum þess. Hann segir að með uppsögnunum sé fyrirtækið að aðlaga sig að breyttu umhverfi og þeirri verkefnastöðu sem liggi fyrir.

„Við, sem þjónustufyrirtæki í ráðgjafastarfsemi, aðlögum okkur að þessu umhverfi sem við erum í. Þetta er ein leiðin. Önnur leiðin er sú, sem við höfum mikið farið, er að mikið af okkar ráðgjöfum og sérfræðingum hafa verið að starfa erlendis, eða í erlendum verkefnum sem við erum búnir að afla síðustu mánuðum. Mikið af hugbúnaðarfólki og sérfræðingum sem hafa verið í því núna. Við erum svona meira að horfa til þess og fá hingað verkefni erlendis frá, sem við erum að vinna í,“ segir Þórður.

--------------------------------------------------------------------------------

Eins og glöggir lesendur hafa kannski rekið augun í, þarfnast rauðmerktu setningarnar í síðustu málsgrein fréttarinnar nokkurrar lagfæringar við. Sökum plássleysis verður slíkum leiðréttingum þó ekki komið við hér að sinni.


mbl.is Uppsagnir hjá Nýherja
Tilkynna um óviðeigandi tengingu við frétt

"Pissustaður" - "að Dalbraut" ...

Innlent | mbl.is | 30.8.2009 | 07:12

Eldsvoði Dalbraut í nótt

Töluverðar skemmdir urðu í eldsvoða í vídeóleigu Laugarásvídeó við Dalbraut 1 í Reykjavík í nótt.

Slökkvilið fékk útkall um klukkan hálffjögur í nótt. Þá logaði töluverður eldur í videóleigunni. Slökkvistarf gekk vel.

Í húsinu eru auk vídeóleigunnar, hársnyrtistofur og pissastaður. Þá eru a.m.k. sex íbúðir í húsinu en ekki kom til þess að rýma þyrfti íbúðirnar.

Eldsupptök eru ókunn en grunur er um íkveikju.

Slökkvilið höfuðborgarsvæðisins óskaði eftir aðstoð Rauða krossins vegna brunans rétt fyrir klukkan hálffimm í morgun. Tveir sjálfboðaliðar úr viðbragðhópi Rauða krossins mættu á vettvang. Þeir veittu íbúum aðhlynningu og sálrænan stuðning og miðluðu upplýsingum. Auk þess var útveguð gisting fyrir þrjá einstaklinga sem ekki gátu dvalið í húsinu vegna reykjarlyktar. Hundi í eigu heimilisfólks var sömuleiðis útveguð gisting.

Í tilkynningu Rauða krossins segir að fólkinu verði boðin aðstoð ef á þarf að halda næstu daga.

 

--------------------------------------------------------------------------------

Var þetta semsé svona færanlegur eldsvoði sem var færður að Dalbrautinni?

Svo er nú yfirleitt talað um pítsu- eða pizzustaði.

Það er samt pæling hvort að þessu pissustaður að Dalbraut sé mikið notaður?  :P

Annars má telja fréttahöfundi það til tekna að hann talar um að fólki hafi verið veittur sálrænn stuðningur í stað þess að halda á lofti orðinu áfallahjálp, sem hefur verið ofnotað síðustu misseri ( áfallahjálp er í raun aðstoð við fólk sem ekki hefur náð að vinna sig út úr sálrænum eftirköstum atburðar þótt liðinn sé nokkur tími frá því hann átti sér stað).


Taka greitt fyrir???

Erlent | mbl.is | 22.8.2009 | 15:34

Fríblaðastríðinu lokið

Fríblaðastríðinu í London er lokið. Fjölmiðlakóngurinn Rupert Murdoch ætlar að hætta að gefa út fríblaðið The London Paper sem fyrst kom út fyrir þremur árum.

Gert er ráð fyrir að síðasta tölublaðið komi út í næsta mánuði.

 

Rupert Murdoch hefur áður lýst því yfir að hann ætli að fara að taka greitt fyrir allt efni í fjölmiðlum sínum, á prenti og netinu auk sjónvarpsefnis.

 

--------------------------------------------------------------------------------

Þetta hlýtur að teljast gott dæmi um mjög svo þroskaða máltilfinningu greinarhöfunds ... eða þannig.


mbl.is Fríblaðastríðinu lokið
Tilkynna um óviðeigandi tengingu við frétt

"Flatus" kannski vísun í flatlendi?

Ég hef oft velt því fyrir mér á ferðum mínum gegnum Kollafjörðinn hver þessi Flatus sé eiginlega. Það sem mér hefur helst dottið í hug er,  þar sem þetta er lægsti punkturinn sem vegurinn um Kollafjörðinn liggur um, að Flatus sé vísun í flatlendi. A.m.k. finnst mér það sennilegri skýring en þær sem minnst er á í greininni.

En frá því ég veitti Flatusi eftirtekt fyrst hefur hann flakkað vítt og breitt um vegginn. Núna er hann staðsettur nálægt vinstri enda veggsins, en þar birtist hann eftir að auglýsingaskilti (skemmdarverk?) var sett upp fyrir miðbik veggsins. Þar undir stóð í eina tíð "Flatus lifir enn" en sú áletrun birtist eftir að fyrri holdgerving Flatusar hafði gufað upp.

Ég held það sé nokkuð ljóst, að á meðan þessi veggur stendur, mun Flatus alltaf verða þar á ferli.

 


mbl.is Flatus lifir
Tilkynna um óviðeigandi tengingu við frétt

skrúfu(þotur)

Erlent | mbl.is | 4.8.2009 | 09:01

Þotan hafnaði á flugturni

Flugstjóri lést og að minnsta kosti tíu farþegar slösuðust þegar þota með um 70 manns innanborðs rann út af flugbraut og hafnaði á flugturni á ferðamannaeyjunni Koh Samui, sunnan við Bangkok í Tælandi.

 

----------

Mig grunar að greinarhöfundur (meina þýðandi) hafi undir höndum ansi einhæfa orðabók sem hann hafi haft til halds og trausts við þýðingu þessarar fréttar, svona í ljósi þess að hann talar allstaðar um "þotu" en ekki skúfuþotu.

Ímynda mér að færslur í téðri orðabók líti út einhvern veginn á þennan veg:

aircraft = þota
airplane = þota
jet = þota
turboprop = þota

En til þess að eyða allri óvissu, þá er rétt að árétta það hér að flugvélin, sem er af gerðinni ATR-72, flokkast sem skrúfuþota (e. turbo-propeller aircraft) en ekki þota. 


mbl.is Þotan hafnaði á flugturni
Tilkynna um óviðeigandi tengingu við frétt

Hvenær verður þýfi þýfi?

Innlent | mbl.is | 27.7.2009 | 15:05

Brotist inn í fjóra bíla

Brotist var inn í fjóra bíla við Barðastaði í Grafarvogi í morgun. Úr bílunum var ýmislegt þýfi tekið, til að mynda radarvari og margvíslegar veiðigræjur.

 

--------------------------------------------------------------------------------

Þarf ekki að vera búið að stela einhverju til þess að það geti talist þýfi? Ef svo er, þá geta þessir hlutir vart hafa verið þýfi *áður* en þeim var stolið - eða hvað?

Ekki nema verið sé að meina að þessum hlutum hafi verið búið að stela áður annars staðar frá og þeir því með réttu verið orðnir þýfi, áður en þeim var svo stolið aftur frá upprunalegu þjófunum.

Nei, bara pæla...


mbl.is Brotist inn í fjóra bíla
Tilkynna um óviðeigandi tengingu við frétt

"Maður drepinn"

Bara velta fyrir mér þeirri áráttu að nota fullyrðingar þegar fjallað er um tillögur...

"Bílprófsaldur hækkar í 18 ár" er villandi fyrirsögn því hún gefur til kynna að þessi tillaga sé orðin að lögum, þó að svo sé ekki. Réttara væri að segja "Bílprófsaldur verði hækkaður í 18 ár".

Þetta er svipað og að nota titilinn "maður drepinn" um frétt sem segði frá því að einhver hefði í hyggju að drepa annan mann (en væri ekki búinn að því).

 

 


mbl.is Bílprófsaldur hækkaður í 18 ár
Tilkynna um óviðeigandi tengingu við frétt

Gummi eða Gumi?

Í lok myndbandsins kemur að venju yfirlit yfir hverjir komu að vinnslu fréttarinnar:

MBL Fréttir

Fréttamaður:
Dagur Gunnarsson

Myndataka:
Gummi Rúnar Kristjánsson

Klipping:
Gumi Rúnar Kristjánsson


----

Það er orðið frekar slæmt þegar starfsfólk Morgunblaðsins getur ekki einu sinni skrifað nafnið sitt rétt. Rétt er jú að þarna er væntanlega bara um fljótfærnisvillu að ræða, en hvernig er það - er fólk alveg hætt að lesa yfir það sem það skrifar áður en það lætur það frá sér?

Það er nú ekki ýkja oft sem maður rekst á svona villur í lok þátta í sjónvarpi og er það væntanlega vegna þess að þar les fólk yfir áður en það sendir hlutina frá sér - ekki vegna þess að þeir hinir sömu séu ófærir um að framkalla villur.


mbl.is Var í forgangsakstri
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband