Hringavitleysa

Innlent | mbl.is | 12.7.2009 | 22:21

Bílveltur með skömmu millibili

 "Báðir jeppar hafi oltið eftir að hafa verið ekið út af veginum. Þeir hafi síðan oltið á miðjum veginum og staðnæmst á hjólunum".

 ----

Gerðist þetta þá semsé þannig að ökumaður hvors jeppa um sig ók út af, valt þar í hring, ók aftur upp á veginn, valt þar á nýjan leik í annan hring og endaði utan vegarins...???

 

 

 


mbl.is Bílveltur með skömmu millibili
Tilkynna um óviðeigandi tengingu við frétt

Hvað er útung?

Innlent | mbl.is | 4.7.2009 | 14:2

Enginn ungi í arnarhreiðrinu


Ljóst er nú að útungin í arnarhreiðrinu sem þjóðin hefur fylgst svo náið með í gegnum vefmyndavél hefur mistfarist.

 

---

Ætti þetta ekki að vera að "útungunin" hafi misfarið...?


mbl.is Enginn ungi í arnarhreiðrinu
Tilkynna um óviðeigandi tengingu við frétt

Furðulegur titill

Eru furðuhlutir yfirleitt með áprentuðum texta (sjá mynd með fréttinni)? Hefði ekki verið réttara að titla fréttina "Raketta frá björgunarsveitaræfingu lenti á húsþaki" í stað þess að vera að gera málið dularfyllra en efni stóðu til um. Ég hefði skilið titilinn ef þetta hefði verið hlutur úr loftfari/geimfari eða loftsteinn sem hefði lent á þakinu.
mbl.is Furðuhlutur féll af himni
Tilkynna um óviðeigandi tengingu við frétt

Dularfullt atvikasamband milli tveggja aðskildra verknaða + sjálftendrandi kveikjari

Innlent | mbl.is | 17.6.2009 | 23:07

Gáleysi olli bílabruna

Jepplingur og fólksbifreið brunnu til kaldra kola í Skyggnisskógi um áttaleytið í gærkvöldi. Að sögn lögreglunnar á Selfossi atvikaðist slysið þannig að tvö ungmenni voru að hella bensíni á aðra bifreiðina.

Þau gengu frá bensínbrúsanum inn í bifreiðinni og létu trektina á milli sætanna. Vildi þá svo óheppilega til að einn viðstaddra dró upp kveikjara með þeim afleiðingum að eldur gaus upp.

Brunavarnir Árnessýslu komu frá Laugarvatni og slökktu eldinn.

----------

Fólst slysið semsé í því að það var verið að hella bensíni á aðra bifreiðina (en ekki í því að það kviknaði í hinni eftir að búið var að ganga frá brúsanum þar)? Og er semsé nóg að draga upp kveikjara til þess að eldur brjótist út? Þarf ekki að tendra kveikjarann...?

 


mbl.is Gáleysi olli bílabruna
Tilkynna um óviðeigandi tengingu við frétt

Einu sinni voru tvær villur...

Hvernig er það eiginlega - er til of mikils ætlast að fréttamenn lesi yfir textana sína áður en fréttir eru settar í loftið?

Frétt af mbl.is

Stefndi vegfarendum í hættu
Innlent | mbl.is | 15.6.2009 | 0:01

 Lögreglan á Egilsstöðum hafði fyrr í kvöld afskipti af manni vegna undarlags aksturslags sem talið var stefna öðrum vegfarendum í hættu. Fjöldi ökumanna tilkynnti um akstur mannsins til lögreglu.

Tveir lögreglubílar fóru á staðinn og þurftu að aka sitt hvoru megin við bílinn til að stöðva ökumanninn.

Fór svo að lokum að maðurinn ók bíl sínum utan í aðra lögreglubifreiðina og olli á henni minniháttar skemmtum.

Við eftirgrennslan kom í ljós að aksturlagið mátti rekja til sjúkdóms mannsins.

Ekki fæst uppgefið hvaða sjúkdóm hann á við að stríða.


mbl.is Stefndi vegfarendum í hættu
Tilkynna um óviðeigandi tengingu við frétt

Loftnetssjónvarpið "uppfært"

Á mbl.is er að finna eftirfarandi frétt (sem einhverra hluta vegna er ekki hægt að tengja beint við blogg eða senda á facebook).

Af inngangi fréttarinnar má skilja að sjónvarpsútsendingum í BNA gegnum loftnet verði alfarið hætt á tilgreindum tíma, en það stemmir frekar ílla við titilinn sem virðist gefa til kynna að loftnetsútsendingar verði endurbættar, þ.e. uppfærðar.

Þarna ruglar greinarhöfundur (væntanlega réttara að segja þýðandi) saman hugtökunum "uppfærsla" og "útskipting".

Eitthvað virðist hafa verið um að lesendur hafi sent Mbl athugasemdir vegna fréttarinnar og er búið að bæta við hana klausu neðst um að ofmælt hafi verið í fyrri útgáfu fréttarinnar að umskiptin þýddu dauða loftnetssjónvarps vestanhafs og að það hafi verið leiðrétt.

Hvar er leiðréttingin? Fréttin sjálf er óbreytt!

--------------------------------------------------

Tækni & vísindi | mbl.is | 12.6.2009 | 20:57

Loftnetssjónvarpið uppfært

Frá og með klukkan eina mínútu yfir miðnætti í kvöld að bandarískum tíma munu hefðbundnar sjónvarpsútsendingar með loftneti heyra sögunni til. Upphaflega stóð til að tímamótin yrðu í febrúar en þeim var frestað vegna tæknilegra örðugleika.

Þess í stað munu Bandaríkjamenn frá og með morgundeginum horfa á sjónvarpið í gegnum stafrænar útsendingar sem taka þar með við af hliðrænum sendingum.

Sjónvarpið gegnir stóru hlutverki í lífi margra Bandaríkjamanna og féllst Bandaríkjaþing á að fresta breytingunni af tillitsemi við um 6,5 milljón heimili sem ekki voru undir umskiptin búin.

Aðallega var um að ræða fatlað fólk og eldri borgara sem áttu erfiðara með að ná sér í nauðsynlegan búnað en aðrir.

Sérstök hjálparsímalína, 1-888-CALL-FCC, hefur verið opnuð af þessu tilefni.

Ofmælt var í fyrri útgáfu fréttarinnar að umskiptin þýddu dauða loftnetssjónvarps vestanhafs og hefur það verið leiðrétt. Lesendum er þökkuð ábendingin.

--------------------------------------------------


Rangfærslur

Eftir því sem ég kemst næst, þá er breska flugfélagið Astraeus í 100% Northern Travel Holding sem einnig á Sterling flugfélagið í Danmörku og íslenska félagið Iceland Express. NTH er í eigu íslenska aðila, þar á meðan Fons og Sunds.

 Af vef Astraeus (http://www.flystar.com/history.html):

"In late 2007 Astraeus Airlines became a 100% subsidiay of Northern Travel Holding (NTH) an Icelandic based travel group that also owns Iceland Express in Iceland and Sterling Airlines in Denmark".

 


mbl.is FÍA hvetur fólk til að styðja íslenskt flugfélag, ekki breskt
Tilkynna um óviðeigandi tengingu við frétt

DBS = DSB?

"Ráðist var á sex starfsmenn danska járnbrautafélagsins DBS þar sem þeir voru við vinnu sína um nýliðna helgi og hafa fimm atvik verið kærð til lögreglu".

Danske Statsbaner er skammstafað sem DSB, ekki DBS...


« Fyrri síða

Innskráning

Ath. Vinsamlegast kveikið á Javascript til að hefja innskráningu.

Hafðu samband